saltar ao contido

Unha delegación do Fortaleza Esporte Clube vista o Parlamento de Galicia nunha viaxe para reforzar os seus lazos con Santiago e con Galicia

 
• Foron recibidos polo vicepresidente da Cámara galega, Diego Calvo

Santiago, 24 de maio de 2018.- Unha delegación do Fortaleza Esporte Clube –clube de fútbol da cidade brasileira de Fortaleza, capital do estado de Ceará- visitou este mediodía a Cámara galega no marco dunha viaxe encamiñada a reforzar os seus lazos con Santiago de Compostela e con Galicia. O vicepresidente do Parlamento de Galicia, Diego Calvo Pouso, recibiu á delegación brasileira e fixo votos por intensificar os vínculos galaico-brasileiros.
 
O Fortaleza Esporte Clube foi fundado hai case 100 anos, o 18 de outubro de 1918. Dase a circunstancia de que as orixes da cidade de Fortaleza se remontan ao Fortín de Santiago, erixido o 25 de xullo de 1604.
 
Para resaltar os vínculos de Fortaleza con Santiago de Compostela, o equipo de fútbol da cidade estreará, no marco da conmemoración do seu primeiro centenario, unha camiseta especial que incorpora unha imaxe da Cruz de Santiago.
 
A delegación que hoxe visitou o Parlamento de Galicia estaba integrada polo presidente do Fortaleza Esporte Clube, Marcelo Paz, e polo historiador do centenario, Adauto Leitão de Araujo Junior.
 
 
Saúdos, Gabinete de Comunicación do Parlamento de Galicia.

Imaxes relacionadas

saltar ao pe de páxina