As salas do Parlamento de Galicia levarán o nome de persoeiros ilustres da cultura galega

 

 

Santiago, 28 de xullo de 2021.- As diferentes salas de reunións do Parlamento de Galicia levarán o nome de persoeiros ilustres da cultura e a historia galegas segundo o acordo adoptado onte, martes, pola Mesa da Cámara.

 

Con esta decisión, mantéñense denominacións significativas que se veñen utilizando, nalgún caso, desde hai décadas –como Salón dos Reis, Sala do Estatuto, Sala Rosalía ou Sala das Letras Galegas-, ao tempo que se introducen nomes de personalidades como Otero Pedrayo, Castelao, Concepción Arenal, Pardo Bazán, Domingo Fontán ou Isabel Zendal, entre outras.

 

A idea de redenominar as salas de reunións do Parlamento vense madurando desde a pasada Lexislatura, cando se trasladou un primeiro borrador aos grupos parlamentarios na procura do seu parecer e propostas alternativas que, nalgún caso, foron incorporadas ao acordo final.

 

A colocación dos carteis identificativos efectuarase durante o mes de agosto, de maneira que as novas denominacións podan empregarse con normalidade no segundo período de sesións, que comeza o próximo 1 de setembro.

 

 

 

 

Sala de Comisión A  /  Sala Otero Pedrayo

 

Sala de Comisión D  / Sala Concepción Arenal

 

Sala de Comisión F  /  Sala Domingo Fontán

 

Sala (saída tribuna público) / Sala Rosalía de Castro

 

Sala do Estatuto  / Sala do Estatuto de Autonomía de Galicia

 

Sala das Letras Galegas / Sala das Letras Galegas

 

Sala de prensa / Sala de prensa

 

Sala Azul  /  Sala Mª Luz Morales Godoy

 

Biblioteca xeral / Biblioteca Xeración Nós

 

Biblioteca Carballo Calero / Biblioteca Carballo Calero / CarvalhoCalero

 

Sala de Ponencia 1 / Sala Emilia Pardo Bazán

 

Sala de Ponencia 2 / Sala Isabel Zendal

 

Sala da Mesa / Sala Castelao

 

Sala Xunta de Portavoces / Sala Antonio Rosón

Salón dos Reis / Salón dos Reis

Sala de Exposicións / Sala do Rexurdimento

 

Saúdos, Gabinete de Comunicación.