Xosé Luis Bará Torres

Nacemento: Vilaboa - 1965

Grupo Parlamentario do Bloque Nacionalista Galego

Biografía:

Licenciado en Filoloxía Hispánica e Galego-Portuguesa pola USC. Docente entre 1988 e 1999 no IES Torrente Ballester de Pontevedra. Publicou, xunto con Manuel Lourenzo González, catro libros de didáctica da lingua. Concelleiro en Pontevedra desde 1995, membro do goberno local entre 1999-2005, desde onde impulsou iniciativas como Ano Castelao, Ano Sarmiento, Ano da Música, Salón do Libro Infantil e Xuvenil e Cantos na Maré.

Director xeral de Creación e Difusión Cultural da Consellería de Cultura entre 2005 a 2009, promoveu iniciativas relacionadas coa memoria histórica, o patrimonio inmaterial, a proxección internacional da cultura galega, as letras, as artes escénicas e musicais, o audiovisual e iniciativas como Cultur.Gal ou o Observatorio da Cultura Galega.

Entre 2011 e 2018 foi concelleiro en Pontevedra. Autor do libro Non des a esquecemento. Relatos do xenocidio fascista en Galiza, da resistencia e da solidariedade. Forma parte da Iniciativa Galega pola Memoria e do colectivo A Regaduxa (Memoria histórica de Vilaboa). Deputado na X lexislatura como portavoz de Infraestruturas e vivenda, ordenación do territorio, medio ambiente e mais administración, xustiza e interior. Membro da Executiva Nacional do BNG.