saltar ao contido

Miguel Ángel Santalices, elixido presidente do Parlamento de Galicia

O ata entón vicepresidente primeiro ​substitúe a Pilar Rojo.
<p class='clearfix'></p>

Toma de posesión 26/01/2016

Santiago, 26 de xaneiro de 2016.- O Pleno do Parlamento de Galicia elixiou esta mañá ao ata o de agora vicepresidente primeiro Miguel Ángel Santalices Vieira como presidente da Cámara, en substitución de Pilar Rojo Noguera. 
 
Miguel Ángel Santalices Vieira (Bande, 1955) é licenciado en Medicina e Cirurxía pola Universidade de Santiago de Compostela; máster en Alta Dirección, Xestión e Administración Sanitaria pola Escola de Cataluña (EADA); diplomado en Dirección Hospitalaria e en Sanidade, e máster en Saúde Pública. Diploma de directivo da Xunta de Galicia. Funcionario do corpo facultativo superior da Xunta de Galicia, escala Saúde Pública e Administración Sanitaria. É membro do Comité Executivo Provincial do PP de Ourense. Secretario executivo de Servizos Sociais. É deputado no Parlamento de Galicia desde a V lexislatura. Foi vicepresidente da Cámara na V e VIII lexislaturas, en substitución de Celso Delgado Arce e José Manuel Baltar Blanco, respectivamente. Portavoz de Sanidade na VI e VII lexislaturas, e portavoz suplente na V, ademais de vocal e presidente de diversas comisións. Vicepresidente do Parlamento de Galicia e portavoz de Sanidade do Grupo Popular na IX Lexislatura ata a súa elección como presidente do Parlamento de Galicia. Deputado da circunscrición electoral de Ourense.

Imaxes relacionadas

saltar ao pe de páxina