Co fin de compatibilizar a realización das visitas ao Parlamento de Galicia coas necesarias garantías de seguridade para o persoal que traballa na institución e todas as persoas visitantes, en cumprimento das recomendacións das autoridades sanitarias establecéronse unha serie de medidas en relación á Covid-19.
As visitas concederanse sempre en función da situación sanitaria do momento seguindo as medidas de seguridade e protección establecidas polas autoridades sanitarias para impedir a transmisión da Covid-19.
Verán (de xuño a agosto). De luns a venres ás 12.00. (Agás días festivos e xornadas concretas por actos parlamentarios e institucionais)
A duración da visita guiada será 1 hora. Grupo máximo de 10 persoas.
Soamente se realizarán visitas con cita previa. Cumprimente o formulario que figura no apartado de visitas guiadas para solicitar a súa visita.
O Parlamento de Galicia abre as súas portas a todas aquelas persoas que queiran coñecer a organización e as funcións da cámara lexislativa galega e aprender sobre elas e sobre a historia da súa sede, o Pazo do Hórreo.
Video de presentacion de E ti, vés ao Parlamento?
Os cidadáns e cidadás interesados en visitar a institución poden facelo participando nas nosas visitas guiadas para grupos ou particulares con reserva previa ou durante o día de portas abertas.
E ti, vés ao Parlamento? Elixe a túa modalidade de visita.
Visitas guiadas para grupos escolares de 5º - 6º de Primaria e 1º-2º da ESO de centros de titularidade pública da comunidade autónoma.
Video en lingua de signos do dia de portas abertas
Visitas guiadas sen cita previa todos os luns ás 10:00, 12:00 e 16:30, agás días festivos e xornadas concretas por actos parlamentarios e institucionais.
* O día da visita deberán presentar o documento acreditativo de identidade e acudir un mínimo de 10 minutos antes da quenda seleccionada para inscribirse no vestíbulo de entrada.
Coñécenos
Tamén pode realizar unha visita virtual ao Parlamento de Galicia sen saír da casa.
