Acordo da Comisión 1ª, Institucional, de Administración Xeral, Xustiza e Interior, celebrada o 8 de xuño de 2018

A Comisión 1ª, Institucional, de Administración Xeral, Xustiza e Interior, na súa sesión do 8 de xuño de 2018, adoptou o seguinte acordo:

 

 

 

 

Sométese a votación separada por alíneas:

 

Alíneas 1, 2 e 6: resultan aprobadas pola unanimidade dos 12 deputados e deputadas presentes.

 

Alíneas 3, 4 e 5: resultan rexeitadas por 5 votos a favor, 7 votos en contra e 0 abstencións.

 

O texto aprobado é o seguinte:

 

“O Parlamento de Galicia acorda:

 

-Amosar o seu apoio e solidariedade co pobo palestino.

 

-Rexeitar a decisión de Estados Unidos de recoñecemento de Xerusalén como capital de Israel.

 

-O Parlamento de Galicia insta ao Goberno galego a que se dirixa ao Goberno español para que por parte deste se proceda a ter unha actuación contundente nas institucións internacionais nas que está presente, nomeadamente a UE e as Nacións Unidas para:

 

Demandar a rectificación de Estados Unidos no recoñecemento de Xerusalén como capital de Israel.

 

Esixir o cumprimento dos acordos internacionais e das resolucións das Nacións Unidas para rematar coa actual situación garantindo o exercicio do dereito de autodeterminación do pobo palestino.”