Proposicións non de lei aprobadas polo Pleno do Parlamento de Galicia o 12 de febreiro de 2025

​

Proposicións non de lei aprobadas polo Pleno do Parlamento de Galicia o 12 de febreiro de 2025

4.2 11780(12/PNP-000976) Grupo Parlamentario Popular de Galicia Arias Rodríguez, Raquel e 8 máis

Sobre as demandas que a Xunta de Galicia debe trasladar ao Goberno central en materia de financiamento da dependencia

Publicación da iniciativa, 94, 01.10.2024

O texto aprobado é o seguinte:

O Parlamento de Galicia insta á Xunta de Galicia a reclamar ao Goberno de España:

1. Que cumpra o artigo 9 da Lei de dependencia e achegue os importes mínimos por cada dependente atendido establecidos polo seu propio Real Decreto de reforma do sistema de dependencia que estableceu e que está obrigado a financiar.

2. Que salde a débeda con Galicia polo incumprimento do pago das contías mínimas das prestacións económicas dende a entrada en vigor do decreto.

3. Que cumpra a Lei de Dependencia que lle obriga a cofinanciar o 50% e salde a débeda acumulada con Galicia, en definitiva que aborde o déficit estrutural da financiación da dependencia".

4.5 15654(12/PNP-001325) Grupo Parlamentario Popular de Galicia Fidalgo Iglesias, Miguel e 9 máis

Sobre a demanda que a Xunta de Galicia debe trasladar ao Goberno central para que axilice todos os trámites necesarios para poñer en marcha o Proxecto da Biblioteca Pública do Estado en Vigo

Publicación da iniciativa, 135, 02.01.2025

O texto aprobado é o seguinte:

“O Parlamento de Galicia insta á Xunta de Galicia a demandar do Goberno de España a que axilice todos os trámites necesarios para poñer en marcha o Proxecto da Biblioteca Pública do Estado en Vigo".

​