Parlamento de Galicia
Parlamento de Galicia
Nacemento: O Franco (Asturias) - 1963
Grupo Parlamentario dos Socialistas de Galicia
Circunscrición electoral:
Teléfono: 981 551 530
Biografía:
Licenciouse en Ciencias Matemáticas na Universidade de Santiago de Compostela (USC) no ano 1986. Tamén ten un máster universitario en Dirección pública, políticas públicas e tributación pola Universidade Nacional de Educación a Distancia (UNED).
É funcionario dos corpos de profesores de educación secundaria e de inspectores de educación.
No ano 1986 inicia a súa actividade docente como profesor de educación secundaria da especialidade de matemáticas, impartindo clases en institutos de educación secundaria de Tineo (Principado de Asturias), Betanzos, Chantada e Ribadeo.
No ano 1997 incorpórase como inspector de educación na Delegación Provincial da Consellería de Educación na provincia de Lugo. Foi tamén inspector xefe de educación na mesma provincia.
No ano 2007 foi nomeado delegado provincial da Consellería de Educación na provincia de Lugo. Desempeñou ese cargo ata o ano 2009.
No ano 2011 foi elixido concelleiro no Concello de Lugo, sendo tenente de alcalde de José Clemente López Orozco e voceiro do goberno municipal. Foi concelleiro delegado de urbanismo e medio ambiente.
No ano 2016 incorpórase ao Parlamento de Galicia logo de ser elixido na lista presentada polo PSdG-PSOE na provincia de Lugo. Foi vicevoceiro do Grupo Parlamentario Socialista e voceiro de educación e infraestruturas durante a X lexislatura.
No ano 2020 volve ser elixido como parlamentario pola provincia de Lugo, sendo vicevoceiro do grupo parlamentario e voceiro de educación e vivenda.
Dende o 15 de xaneiro de 2022 é voceiro do grupo parlamentario do PSdeG-PSOE.
