Acordos da Comisión 6ª, Industria, Enerxía, Comercio e Turismo, celebrada o 4 de novembro de 2020

 

A  Comisión 6ª, Industria, Enerxía, Comercio e Turismo, na súa sesión do 4 de novembro de 2020, adoptou os seguintes acordos:

 

 

 

 

Sométese a votación e resulta aprobada sen modificacións por 7 votos a favor, 3 votos en contra e 2 abstencións.

 

O texto aprobado é o seguinte:

 

"O Parlamento de Galicia insta a Xunta de Galicia a solicitar do Goberno do Estado que unifique o criterio respecto ao prazo dispoñible para as persoas consumidoras que queiran solicitar os gastos de formalización do préstamo hipotecario que se consideran abusivos, preferiblemente con rango normativo, propoñéndose que sexa de cinco anos desde a súa finalización ou cancelación no rexistro da propiedade."

 

 

 

Sométese a votación coa transacción no punto segundo dunha emenda in voce do G. P. Popular de Galicia e resulta aprobada pola unanimidade dos 12 deputados e deputadas presentes.

 

O texto aprobado, con modificacións respecto do texto orixinal, é o seguinte:

 

"O Parlamento de Galicia insta ao Goberno galego a:

 

1. Destinar axudas directas para os autónomos e autónomas que sexan compatibles coas do Estado.

 

2. Impulsar compensacións por "limitación de actividade" para as que non poden manter a súa actividade ao estar condicionadas por novas normativas sanitarias ou de aforo. Esta compensación debe ser compatible con calquera outra axuda ou medida de fomento do emprego que se poida outorgar dende outra Administración Pública, coas limitacións establecidas pola normativa europea de axudas de minimis."