Proposicións non de lei aprobadas polo Pleno do Parlamento de Galicia o 25 de novembro de 2020

1. Elaborar un ambicioso e novo plan galego de I+D+i no 2021, cunha maior dotación orzamentaria que nos permita duplicar o gasto total en  Investigación, Desenvolvemento e Innovación para situar a Galicia na media española.

 

2. Explicar o grado de execución do Plan Galicia Innova 2020”.

1.- Convocar de inmediato a mesa de negociación para acadar un convenio colectivo das Fundacións Biomédicas de investigación sanitaria de Galicia: Fundación Biomédica Galicia Sur(FBGS), Fundación Prof. Novoa Santos (FPNS) e Fundación Instituto de Investigación Sanitaria Santiago de Compostela (FIDIS).

 

2.- Designar representante para esta negociación que teña capacidade de decisión e forme parte da Consellería de Sanidade.”

 

1. Demandar do Goberno central realizar de forma urxente as modificacións lexislativas necesarias para garantir a protección das orfas e orfos por violencia de xénero naquelas situacións que, após a aplicación da Lei 3/2019, do 1 de marzo, quedan sen contemplar debido a que o requisito de orfandade absoluta asimilable non dá cabida a supostos que deben ser considerados, por exemplo aquelas situacións derivadas da non coincidencia do homicida co pai da crianza ou de que o proxenitor non estea en condicións de asumir a manutención das e dos menores e outras que puideran derivar no resultado da desprotección da ou do menor.

 

2. Demandar do Goberno central unha difusión activa da existencia deste recurso, dirixida á sociedade en xeral e aos organismos e departamentos que traballen no ámbito dos servizos sociais e da atención á violencia machista en concreto. Así mesmo, a colaborar e facer o propio desde a Administración galega.

 

3. Realizar, ao abeiro da medida 170 que contempla “Revisar os casos de mulleres e menores ao seu cargo que fosen vítimas de violencia de xénero para analizar o seu grao de inserción na sociedade e reparación”, un estudo específico sobre os resultados en Galicia, co obxectivo de profundizar no coñecemento da situación e de poder impulsar as melloras e complementos necesarios por parte das administracións.

 

4. Xunta de Galicia a reforzar e a manter as axudas de indemnización económica, dirixidas ás fillas e fillos menores de 30 anos das vítimas mortais por violencia de xénero, co obxecto de garantir que o feito causante supoña un menor perxuízo económico para os fillos e fillas orfos”

1. Deseñar, en colaboración co Colexio Oficial de Psicoloxía de Galiza, un Plan específico de atención psicolóxica para mulleres en situación de violencia machista adaptado á realidade xerada pola COVID-19 así como ás consecuencias do confinamento e doutras medidas de restrición da mobilidade adoptadas neste contexto.

 

2. Manter e ampliar o Plan de reforzo de atención ás vítimas de violencia machista para garantir o funcionamento dos servizos necesarios de atención, información e asesoramento ás mulleres en situación de violencia machista, tales como: prestacións económicas, apoio psicolóxico, Centros de Información ás Mulleres e recursos de acollida.

 

3. Elaborar un estudo sobre a situación das mulleres vítimas de violencia machista en Galicia durante a pandemia, con especial atención ao período de confinamento.

 

4. Ampliar a rede de Centros de Información ás Mulleres que garanta a prestación do servizo ao conxunto do territorio galego especialmente a aqueles concellos e comarcas que actualmente carecen del.

 

5. Reforzar as medidas dirixidas á atención ás mulleres vítimas de violencia machista que viven no rural, aumentando o número de recursos especializados adaptándoos á realidade demográfica e xeográfica así como adaptar as campañas de prevención e sensibilización a esta realidade.

 

6. Manter e ampliar a colaboración coa Rede Galega contra a trata de seres humanos con fins de explotación sexual.

 

7. Dirixirse ao Goberno do Estado para que impulse a aprobación da Lei Orgánica de loita integral e multidisciplinar contra a Trata de Seres Humanos con fins de explotación sexual e cumprir así, co aprobado no Pacto de estado contra a violencia de xénero”.

1) O principio de subsidiariedade e goberno multinivel, de modo que as comunidades autónomas participen no proceso de definición destes criterios.

2) O principio de concorrencia competitiva, que disipe calquera risco de discrecionalidade ou arbitrariedade no proceso.

3) O principio de cohesión social e territorial, de maneira que a distribución teña en conta factores como a renda per cápita, a porcentaxe de poboación que vive no rural, o reto demográfico ou a transición industrial”.