Acordos da Comisión 8ª, Pesca e Marisqueo, celebrada o 30 de novembro de 2021

 

A  Comisión 8ª, Pesca e Marisqueo, na súa sesión do 30 de novembro de 2021, adoptou os seguintes acordos:

 

 

 

 

Sométese a votación por puntos co resultado seguinte:

Puntos 1, 2 e 3, resultan aprobados pola unanimidade dos 12 deputados e deputadas presentes

 

Punto 4, resulta aprobado por 10 votos a favor, 0 votos en contra e 2 abstencións.

 

O texto aprobado é o seguinte:

 

"O Parlamento galego insta a Xunta de Galicia a:

 

- Trasladar ao Goberno español e á Comisión Europea o seu rexeitamento sobre a proposta do comisario europeo de Pesca relativa ás cotas para o 2022.

 

-Defender diante do Goberno español e a UE a aplicación real das variables económicas e sociais contempladas na Política Pesqueira Común para a fixación de capturas.

 

-Desbotar calquera redución de capturas para o ano 2022 que implique un impacto económico para a frota Pesqueira galega.

 

-Dar cumprimento ao acordo parlamentario do 10 de febreiro de 2021, relativo ao recoñecemento de Galicia como "zona altamente dependente da pesca", á revisión do "principio de estabilidade relativa" e ao recoñecemento da capacidade directa de negociación de Galicia en materia pesqueira."

 

 

Sométese a votación e resulta aprobada sen modificacións pola unanimidade dos 12 deputados e deputadas presentes.

 

O texto aprobado é o seguinte:

 

 "O Parlamento de Galicia insta a Xunta de Galicia a demandar ao Goberno de España a aprobar de modo urxente a modificación do Real Decreto de Ordenación Pesqueira de cara a regular de xeito rápido a creación dunha lista específica de embarcacións co obxectivo de dar solución ao procedemento de adecuación das disposicións normativas sobre a potencia e/ou arqueo das embarcacións que faenan a marisqueo e/ou recursos específicos."

 

 

Sométese a votación e resulta aprobada sen modificacións pola unanimidade dos 12 deputados e deputadas presentes.

 

O texto aprobado é o seguinte:

 

 "O Parlamento galego insta a Xunta de Galicia a demandarlle ao Goberno do Estado:

 

-A promoción e defensa diante da Alta Autoridade dos Fondos Mariños (ISA) dunha moratoria da minaría submarina ata que se teñan estudado e investigado suficientemente os seus efectos no medio ambiente mariño, a biodiversidade e as actividades humanas no mar e se poida xestionar a minaría submarina para garantir que non se perda biodiversidade mariña nin se degraden os ecosistemas mariños.

 

-Que se garanta a participación das organización ambientais e pesqueiras nas delegacións do Estado español diante da Alta Autoridade dos Fondos Mariños e promova a defensa dunha reforma dese organismo para una maior transparencia e participación da sociedade civil e sectores afectados.

 

-Que adopte una prohibición da minaría submarina nas súas augas xurisdicionais e exclúa explícitamente a posibilidade de realizar esta actividade nas Áreas Mariñas Protexidas e Áreas Mariñas de Importancia Ecolóxica ou Biolóxica, incluíndo o Banco de Galicia fronte ás costas galegas."