A Comisión 4ª, Educación e Cultura, na súa sesión do 16 de setembro de 2022, adoptou o seguinte acordo:
Procedementos de control e impulso
Proposicións non de lei en Comisión
Aprobación por unanimidade sen modificacións
- 37763 (11/PNC-003450)
Grupo Parlamentario Popular de Galicia
López Sánchez, Rosalía e 13 máis
Sobre as actuacións que debe realizar a Xunta de Galicia para impulsar a elaboración dunha guia ou de material que axude aos centros educativos a dotarse de instrumentos e mecanismos de actuación para a prevención e o tratamento das situacións de acoso escolar baseadas en actuacións racistas e/ou xenófobas
BOPG n.º 353, do 01.08.2022
Sométese a votación e resulta aprobada sen modificacións pola unanimidade dos 11 deputados e deputadas presentes.
O texto aprobado é o seguinte:
"O Parlamento de Galicia insta á Xunta de Galicia a que, con encaixe co previsto na normativa vixente e nunha nova Estratexia Galega de Convivencia Escolar, impulse a elaboración dunha guía ou de material que axude aos centros educativos a dotarse de instrumentos e mecanismos de actuación para a prevención e o tratamento das situacións de acoso escolar baseadas en actuacións racistas e/ou xenófobas”.
Parlamento de Galicia
.jpg)
.JPG)