Entregados no Parlamento de Galicia a Memoria 2022 do Consello de Contas e os informes de fiscalización e prevención da corrupción

​

Santiago, 28 de xullo de 2023.- O conselleiro maior do Consello de Contas de Galicia (art. 8.3 da Lei 6/1985, do 24 de xuño), Simón Rego Vilar, entregou hoxe no Parlamento de Galicia a memoria de actividades e as  contas correspondentes ao ano 2022 da institución, así como os seguintes informes de fiscalización e de prevención da corrupción, dispoñibles no portal web da institución:   https://www.ccontasgalicia.es/gl/menus-consello/fiscalizacion/informeS

Informes xerais:

• Informe de fiscalización da Conta Xeral da Comunidade Autónoma de Galicia, exercicio 2021, que inclúe a Declaración definitiva sobre o seu exame e comprobación.
• Informe económico – financeiro das entidades instrumentais autonómicas, exercicio 2021.
• Informe de fiscalización da Conta Xeral do Servizo Galego de Saúde, exercicio 2021.
• Informe de fiscalización da Conta Xeral das Entidades Locais de Galicia, exercicio 2021.
• Informe de fiscalización dos Fondos Europeos, exercicio 2021.
• Informe de fiscalización dos Fondos de Compensación Interterritorial, exercicio 2021.

Informes específicos:

• Informe de fiscalización do impacto da pandemia Covid-19 no ámbito da contratación do Sergas.
• Informe de Fiscalización dos contratos-programa subscritos entre as Fundacións sanitarias e o Sergas.
• Informe de Avaliación e análise da situación económico-financeira-patrimonial e orzamentaria dos consellos reguladores das denominacións xeográficas do sector alimentario.

Informes en materia de prevención da corrupción e fomento de marcos de integridade pública na xestión:

Con data do 21 de xullo remitiuse ao Parlamento a seguinte actuación en materia de prevención da corrupción: Informe de avaliación dos sistemas e procedementos das entidades locais de Galicia para a implementación dos Fondos Next Generation da Unión Europea.

Informes en materia de ciberseguridade

No presente exercicio e como actuación innovadora desde a óptica de control externo da xestión económico-financiera do sector público iniciouse unha nova liña de fiscalización, neste primeiro exercicio relativo ás Deputacións de Galicia:

• Informe de fiscalización dos controis básicos de ciberseguridade. Deputación de Ourense, exercicio 2022.

Vínculo á memoria de actividades 2022: https://www.ccontasgalicia.es/gl/menus-consello/transparencia/actividades

Saúdos, Gabinete de Comunicación.