Parlamento de Galicia
Parlamento de Galicia
A Comisión 2ª, Ordenación Territorial, Obras Públicas, Medio Ambiente e Servizos, na súa sesión do 30 de novembro de 2023, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade con modificacións
- 62349 (11/PNC-005243)
Grupo Parlamentario do Bloque Nacionalista Galego
Pérez Fernández, Rosana e 2 máis
Sobre as medidas que debe adoptar a Xunta de Galicia para abordar a situación actual do servizo de transporte público e escolar na comarca da Barbanza
BOPG n.º 599, do 22.11.2023
Sométese a votación e resulta aprobada con modificacións respecto do texto orixinal, pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta o Goberno galego a:
1.- Dar cumprimento inmediato aos acordos unánimes tomados no Parlamento o 28 de abril de 2022 e o 12 de maio de 2023.
2.- Utilizar todas as ferramentas incluídas no prego de cláusulas administrativas para acadar a mellora na prestación do seu servicio de transporte público na comarca do Barbanza".
Aprobación por unanimidade sen modificacións
- 59195 (11/PNC-004945)
Grupo Parlamentario Popular de Galicia
Pérez López, Noelia e 9 máis
Sobre a demanda que a Xunta de Galicia debe dirixir ao Goberno central co obxecto de que axilice os traballos da variante exterior da alta velocidade ferroviaria en Ourense
BOPG n.º 565, do 20.09.2023
Sométese a votación e resulta aprobada sen modificacións pola unanimidade dos 12 deputados e deputadas presentes.
O texto aprobado é o seguinte:
"O Parlamento de Galicia insta a Xunta de Galicia a pedir o Goberno de España que axilice os traballos da Variante Exterior de Ourense de tal xeito que se cumpran os prazos de execución previstos na contratación das obras desta infraestrutura ferroviaria".
.JPG?csf=1&e=gir5yG)
.JPG)