Parlamento de Galicia
Parlamento de Galicia
Santiago, 19 de marzo de 2024.- A Mesa e Xunta de Portavoces do Parlamento de Galicia reunirase o vindeiro luns, 25 de marzo, para dar comezo aos trámites propios do inicio da XII Lexislatura, entre eles o calendario de investidura do presidente da Xunta. Así o adiantou o presidente do Parlamento, Miguel Ángel Santalices Vieira, ás integrantes da Mesa e portavoces dos grupos parlamentarios en conversas celebradas esta mañá.
A proposta de calendario que o presidente do Parlamento trasladará á Xunta de Portavoces está condicionada polos prazos que fixa o Regulamento da Cámara para a constitución dos grupos parlamentarios (cinco días hábiles a partir da sesión constitutiva) e das comisións (dez días).
Proposta de calendario:
| Data | Trámite |
| 25 de abril, luns | Reunión da Mesa do Parlamento |
| | - Coñecemento da constitución dos Grupos Parlamentarios Reunión da Xunta de Portavoces - Constitución - Fixación do número de membros das comisións parlamentarias - Calendario de investidura e de sesión solemne de apertura - Data para a constitución das comisións |
| 1 de abril, luns | Constitución comisións parlamentarias |
| | |
| 2 de abril, martes | Consultas presidente do Parlamento de Galicia cos representantes dos Grupos para candidatura á Presidencia da Xunta |
| | |
| 4 de abril, xoves | Reunión da Mesa e Xunta de Portavoces |
| | - Coñecemento proposta de candidato á Presidencia - Ordenación do debate - Acordo de asignación de escanos |
| 9 de abril, martes | Debate de investidura |
| | - Presentación programa goberno polo candidato á Presidencia |
| 11 de abril, xoves | Debate de investidura |
| | - Intervencións dos Grupos - Resposta candidato - Votación |
| 13 de abril, sábado | Toma de posesión do presidente da Xunta de Galicia |
| | |
| 16 de abril, martes | Sesión solemne de apertura da XII Lexislatura |
| | |
Saúdos, Gabinete de Comunicación.
.JPG)
