Acordos aprobados na Comisión 5ª, Sanidade, Política Social e Emprego celebrada o 16 de xaneiro de 2025

​

A  Comisión 5ª, Sanidade, Política Social e Emprego, na súa sesión do 16 de xaneiro de 2025, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións

- 11765 (12/PNC-001119)

Grupo Parlamentario Popular de Galicia

Amigo Díaz, María Encarnación e 8 máis

Sobre determinadas medidas que debe pór en marcha o Goberno galego destinadas a mellorar a atención á saúde mental infantoxuvenil

BOPG n.º 95f1, do 02.10.2024

Sométese a votación e resulta aprobada sen modificacións por 12 votos a favor, 0 votos en contra e 5 abstencións.

O texto aprobado é o seguinte:

"O Parlamento de Galicia insta á Xunta de Galicia a:

1.- Aumentar a idade de atención da psiquiatría infanto-xuvenil aos 18 anos.

2.- Crear un programa de transición á idade adulta para os pacientes psiquiátricos

adolescentes."

- 14073 (12/PNC-001376)

Grupo Parlamentario Popular de Galicia

Pérez López, Noelia e 8 máis

Sobre a demanda de fondos que a Xunta debe trasladar ao Goberno central, logo da obtención do premio Galicia Rexión Emprendedora Europea, para poñer en marcha programas específicos en materia de emprendemento

BOPG n.º 115f2, do 13.11.2024

Sométese a votación e resulta aprobada sen modificacións por 15 votos a favor, 0 votos en contra e 2 abstencións.

O texto aprobado é o seguinte:

"O Parlamento de Galicia insta á Xunta de Galicia a dirixirse ao Goberno de España para reclamarlle os fondos necesarios que nos permitan poñer en marcha programas específicos en materia de emprendemento, tras ter recibido o premio Galicia Rexión Emprendedora."

​