Parlamento de Galicia
Parlamento de Galicia
A Comisión 4ª, Educación e Cultura, na súa sesión do 27 de febreiro de 2025, adoptou os seguintes acordos:
Procedementos de control e impulso
Proposicións non de lei en Comisión
Aprobación por unanimidade con modificacións
- 14583 (12/PNC-001425)
Grupo Parlamentario do Bloque Nacionalista Galego
Fernández Davila, María Cristina e 2 máis
Sobre as medidas que debe impulsar a Xunta de Galicia no campo da dixitalización no ensino e no que concirne ao programa E-dixgal
BOPG n.º 123, do 27.11.2024
Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.
O texto aprobado é o seguinte:
“O parlamento galego insta á Consellería de Educación, Ciencia, Universidades e FP a:
1.- Realizar unha avaliación seria do Programa Edixgal tras dez anos de implementación nas aulas, coa participación de todos os sectores afectados: familia, alumnado e docentes para coñecer o seu uso (dependendo dos centros, curso, materias...) e que valoración teñen do programa. Avaliar en qué medida este recurso dixital está favorecendo realmente a aprendizaxe e se supón unha mellora da Competencia Dixital, que é o que se espera dun programa deste tipo.
2.- Identificar boas prácticas, en que centros o nivel de satisfacción é alto por parte dos distintos sectores e como se está empregando.
3.- Mellorar a información que reciben as familias sobre Edixgal, que aporta ao proceso de aprendizaxe e como se emprega desde as distintas materias.
4.- A través da Certificación de Competencia Dixital Docente (CDD), integrar Edixgal na formación do profesorado promovendo un uso interdisciplinar xunto con máis ferramentas, onde nas materias que se empregue o libro dixital tamén teñan cabida outros recursos, especialmente en primaria e 1º ESO.
5.- Reforzar o desenvolvemento da dimensión da Competencia Dixital relativa ao uso responsable das TIC, a xestión da privacidade e a identidade e de saber facer unha lectura crítica dos contidos e dos procesos, un uso ético e responsable destas ferramentas."
- 15635 (12/PNC-001524)
Grupo Parlamentario Popular de Galicia
Vázquez Suárez, Cecilia e 8 máis
Sobre a demanda dirixida á Xunta de Galicia co fin de que reforce a súa colaboración coa UNED para incrementar na nosa comunidade a oferta de prazas para o máster de formación do profesorado
BOPG n.º 135, do 02.01.2025
Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia a reforzar os lazos de colaboración coa UNED para incrementar a oferta de prazas a distancia do máster de profesorado que, actualmente, oferta esta institución en Galicia; así como buscar promover que as universidades públicas do SUG incremente a súa."
- 16382 (12/PNC-001566)
Grupo Parlamentario dos Socialistas de Galicia
Abalde Alonso, Julio Ernesto e Longueira Castro, Silvia
Sobre as accións que a Xunta de Galicia debe pór en marcha no que atinxe ao programa e-Dixgal e á dixitalización no ensino
BOPG n.º 139, do 15.01.2025
Sométese a votación e resulta aprobada con modificacións respecto do texto orixinal, pola unanimidade dos 17 deputados e deputadas presentes.
O texto aprobado é o seguinte:
“O parlamento galego insta á Consellería de Educación, Ciencia, Universidades e FP a:
1.- Realizar unha avaliación seria do Programa Edixgal tras dez anos de implementación nas aulas, coa participación de todos os sectores afectados: familia, alumnado e docentes para coñecer o seu uso (dependendo dos centros, curso, materias...) e que valoración teñen do programa. Avaliar en qué medida este recurso dixital está favorecendo realmente a aprendizaxe e se supón unha mellora da Competencia Dixital, que é o que se espera dun programa deste tipo.
2.- Identificar boas prácticas, en que centros o nivel de satisfacción é alto por parte dos distintos sectores e como se está empregando.
3.- Mellorar a información que reciben as familias sobre Edixgal, que aporta ao proceso de aprendizaxe e como se emprega desde as distintas materias.
4.- A través da Certificación de Competencia Dixital Docente (CDD), integrar Edixgal na formación do profesorado promovendo un uso interdisciplinar xunto con máis ferramentas, onde nas materias que se empregue o libro dixital tamén teñan cabida outros recursos, especialmente en primaria e 1º ESO.
5.- Reforzar o desenvolvemento da dimensión da Competencia Dixital relativa ao uso responsable das TIC, a xestión da privacidade e a identidade e de saber facer unha lectura crítica dos contidos e dos procesos, un uso ético e responsable destas ferramentas."
Aprobación por unanimidade sen modificacións
- 6015 (12/PNC-000725)
Grupo Parlamentario dos Socialistas de Galicia
Longueira Castro, Silvia e Abalde Alonso, Julio Ernesto
Sobre determinadas medidas que o Goberno galego debe levar a cabo en relación coa promoción do patrimonio cultural de Galicia
BOPG n.º 43f1, do 26.06.2024
Sométese a votación e resulta aprobada sen modificacións pola unanimidade dos 17 deputados e deputadas presentes.
O texto aprobado é o seguinte:
“O Parlamento galego insta a Xunta de Galicia a:
1. Supervisar que os titulares dos Bens de Interese Cultural de Galicia cumpren coa obriga de abrilos para a súa visita gratuíta catro días ao mes.
2. Promover que o pobo galego coñeza o seu patrimonio cultural.
3. Planificar para difundir, implementar ou poñer de relevancia os BIC galegos que non teñan unha visibilidade significativa."
- 17915 (12/PNC-001665)
Grupo Parlamentario Popular de Galicia
Pomar Tojo, Carmen María e 9 máis
Sobre a demanda dirixida ao Goberno galego co obxectivo de que impulse accións que permitan a inclusión do videoxogo no sistema cultural galego
BOPG n.º 147f2, do 29.01.2025
Sométese a votación e resulta aprobada sen modificacións pola unanimidade dos 17 deputados e deputadas presentes.
O texto aprobado é o seguinte:
“O Parlamento de Galicia insta á Xunta de Galicia ao desenvolvemento de accións que permitan a inclusión do videoxogo no sistema cultural galego."
.JPG)
.JPG)
.JPG)
.JPG)