Acordos aprobados na reunión da Comisión 5ª, Sanidade, Política Social e Emprego celebrada o 15 de maio de 2025

​​A  Comisión 5ª, Sanidade, Política Social e Emprego, na súa sesión do 15 de maio de 2025, adoptou os seguintes acordos:

Procedementos de control e impulso

Proposicións non de lei en Comisión

Aprobación por unanimidade sen modificacións

- 17894 (12/PNC-001662)

Grupo Parlamentario Popular de Galicia

Pérez López, Noelia e 8 máis

Sobre a demanda ao Goberno galego da adopción de medidas para promover o emprendemento cooperativo

BOPG n.º 147f2, do 29.01.2025

Sométese a votación e resulta aprobada sen modificacións pola unanimidade dos 16 deputados e deputadas presentes.

O texto aprobado é o seguinte:

"O Parlamento de Galicia insta á Xunta de Galicia a:

1.- Seguir establecendo medidas para xerar, desde a administración autonómica, ferramentas que faciliten o emprendemento cooperativo.

2.- Difundir a través de campañas a fórmula do cooperativismo como unha forma de autoemprego e divulgar entre os máis novos as vantaxes deste tipo de emprendemento."