Convocatoria da sesión plenaria do 23 de setembro de 2025

A Presidencia, de conformidade co disposto no artigo 53 do Regulamento do Parlamento, resolveu convocar o Pleno do Parlamento para realizar unha sesión o próximo día 23 de setembro de 2025, ás 10:00 horas, no pazo do Parlamento.

De acordo coa Xunta de Portavoces e a Mesa, na reunión do día 16 de setembro de 2025, a orde do día da sesión é a seguinte:

Punto preliminar

Prestación de promesa ou xuramento de acatar e gardar fidelidade á Constitución e ao Estatuto de Autonomía de Galicia do novo deputado Aitor Bouza Manso

Punto 1.     Informes de Fiscalización do sector público de Galicia

                   Debate do ditame e das propostas de resolución, aprobados na reunión da Comisión Permanente non Lexislativa para as Relacións co Consello de Contas, en relación cos Informes de fiscalización do sector público de Galicia, contidos na Memoria de actividades do Consello de Contas de 2023, incluídos os informes de fiscalización das contas xerais de 2022 e 2023 (docs. núm. 11005, 12/ICON-000010, 3128 (12/ICON-000006) E 22610 (12/ICON-000016)

Punto 2.      Solicitude de creación dunha comisión de investigación, por solicitude das vinte e cinco deputadas e deputados do G.P. do Bloque Nacionalista Galego, sobre a crise social, económica e ambiental provocada pola vaga de lumes de agosto de 2025 e as responsabilidades derivadas da actuación da Xunta de Galicia (32596, 12/SCI-000005)

Punto 3.      Texto lexislativo

3.1               Toma en consideración da Proposición de lei, do G.P. Popular de Galicia, de modificación da Lei 3/2012, do 2 de abril, do deporte de Galicia (doc. núm. 27520, 12/PPL-000009)

                    Publicación da iniciativa, BOPG n.º 213, do 20.06.2025

Punto 4.      Comparecencias

4.1               33965 (12/CPP-000064)

Do conselleiro de Educación, Ciencia, Universidades e Formación Profesional, por petición propia, para informar sobre as políticas educativas no marco do inicio do curso 2025-2026

                    Acumúlase na anterior a seguinte:

4.2               33977 (12/CPP-000065)

Do conselleiro de Educación, Ciencia, Universidades e Formación Profesional, por petición das vinte e cinco deputadas e deputados do G. P. do Bloque Nacionalista Galego, para dar conta dos problemas de dotación de persoal docente no inicio do curso escolar, especialmente de profesorado especialista orientado ás necesidades educativas especiais, e das súas demandas laborais e profesionais

Punto 5.      Mocións

5.1               33874 (12/MOC-000077)

                    Grupo Parlamentario do Bloque Nacionalista Galego

                    Bará Torres, Xosé Luís

Sobre o impacto na biodiversidade e nos espazos naturais protexidos provocado polos lumes forestais acontecidos en Galicia en agosto de 2025 (Moción consecuencia da Interpelación doc. núm. 31887, publicada no BOPG núm. 244, do 28 de agosto de 2025, e debatida na sesión plenaria do día 9 de setembro de 2025)

5.2               33875 (12/MOC-000078)

                    Grupo Parlamentario do Bloque Nacionalista Galego

                    Valcárcel Armesto, Montserrat

Sobre a actuación da Xunta de Galicia respecto dos lumes forestais de agosto de 2025, tanto no referido ao aspecto preventivo como ao labor de extinción (Moción consecuencia da Interpelación doc. núm. 31883, publicada no BOPG núm. 244, do día 28 de agosto de 2025, e debatida na sesión plenaria do día 9 de setembro de 2025)

5.3               33876 (12/MOC-000079)

                    Grupo Parlamentario dos Socialistas de Galicia

                    Rodríguez Dacosta, María del Carmen

Sobre o desenvolvemento das actividades previstas no Pladiga e a garantía de recursos humanos nos servizos de prevención e extinción de incendios forestais (Moción consecuencia da Interpelación doc. núm. 20453, publicada no BOPG núm. 162f1, do 26 de febreiro de 2025, e debatida na sesión plenaria do día 9 de setembro de 2025)

Punto 6.      Proposicións non de lei

6.1               32604 (12/PNP-002410)

                    Grupo Parlamentario Popular de Galicia

                    Arias Rodríguez, Raquel e 14 máis

Sobre a demanda que a Xunta de Galicia debe dirixir ao Goberno central para que acolla os menores solicitantes de asilo, garanta o financiamento e realice unha repartición xusta

Publicación da iniciativa polo procedemento de urxencia, BOPG n.º 247f3, do 03.09.2025

6.2               32617 (12/PNP-002412)

                    Grupo Parlamentario dos Socialistas de Galicia

                    Castro Rey, Paloma e López Font, Carlos

Sobre as medidas de planificación, avaliación e restauración en espazos naturais afectados por incendios, con base científica, participación social e cooperación europea

                    Publicación da iniciativa, BOPG n.º 247f3, do 03.09.2025

6.3               32955 (12/PNP-002426)

                    Grupo Parlamentario dos Socialistas de Galicia

                    Longueira Castro, Silvia e Espinosa Mangana, María Elena

Sobre determinadas accións que o Goberno galego debe levar a cabo en relación coa situación que se presenta cos menores non acompañados que chegan a Galicia

                    Publicación da iniciativa, BOPG n.º 252f1, do 10.09.2025

6.4               33319 (12/PNP-002454)

                    Grupo Parlamentario Popular de Galicia

                    Trenor López, Gonzalo e 14 máis

Sobre as demandas que a Xunta de Galicia debe trasladar ao Goberno central en relación co impacto da anunciada redución das operacións de Ryanair en Galicia e coa competitividade dos aeroportos galegos

Publicación da iniciativa polo procedemento de urxencia, BOPG n.º 252f1, do 10.09.2025

6.5               33475 (12/PNP-002459)

                    Grupo Parlamentario do Bloque Nacionalista Galego

                    Pontón Mondelo, Ana Belén e 24 máis

Sobre as actuacións que debe pór en marcha o Goberno galego co fin de mellorar a atención educativa ao alumnado galego, singularmente a aquel máis vulnerable e con necesidades especiais de apoio educativo

Publicación da iniciativa polo procedemento de urxencia, BOPG n.º 252f1, do 10.09.2025

6.6               33494 (12/PNP-002461)

                    Grupo Parlamentario do Bloque Nacionalista Galego

                    Pontón Mondelo, Ana Belén e 19 máis

Sobre as medidas e a postura que debe adoptar a Xunta de Galicia ante o curso das operacións militares de Israel en Gaza

Publicación da iniciativa polo procedemento de urxencia, BOPG n.º 252f1, do 10.09.2025

Punto 7.      Interpelacións

7.1               26186 (12/INT-001021)

                    Grupo Parlamentario do Bloque Nacionalista Galego

                    Queixas Zas, Mercedes e 2 máis

Sobre a eficacia do modelo educativo que impulsa a Xunta de Galicia para cumprir os obxectivos da normalización lingüística

                    Publicación da iniciativa, BOPG n.º 203f2, do 28.05.2025

7.2               30398 (12/INT-001130)

                    Grupo Parlamentario dos Socialistas de Galicia

                    Longueira Castro, Silvia e Espinosa Mangana, María Elena

Sobre as medidas para mellorar a situación do Servizo de Axuda no Fogar en Galicia

                    Publicación da iniciativa, BOPG n.º 238f2, do 20.08.2025

7.3               32986 (12/INT-001188)

                    Grupo Parlamentario do Bloque Nacionalista Galego

                    Prado Cores, María Montserrat e Carreira Pazos, Iria

Sobre a planificación por parte da Xunta de Galicia da cobertura sanitaria durante os veráns, nomeadamente a referida ao verán de 2025

                    Publicación da iniciativa, BOPG n.º 252f2, do 10.09.2025

Punto 8.      Preguntas para resposta oral do Presidente da Xunta

8.1               33996 (12/POPX-000053)

                    Grupo Parlamentario dos Socialistas de Galicia

                    Gómez Besteiro, José Ramón

Sobre a valoración do Goberno galego respecto das prioridades inmediatas da súa acción política

8.2               33997 (12/POPX-000054)

                    Grupo Parlamentario do Bloque Nacionalista Galego

                    Pontón Mondelo, Ana Belén

Sobre as medidas que adoptou o Goberno galego para que nunca máis unha muller perda a vida traballando do Servizo de Axuda no Fogar

Punto 9.      Preguntas ao Goberno

9.1               32643 (12/POP-004752)

                    Grupo Parlamentario Popular de Galicia

                    Trenor López, Gonzalo e 8 máis

Sobre a valoración que fai a Xunta de Galicia dos problemas no servizo ferroviario ocasionados por mor da vaga de incendios

                    Publicación da iniciativa, BOPG n.º 247f3, do 03.09.2025

9.2               33998 (12/PUP-000143)

                    Grupo Parlamentario dos Socialistas de Galicia

                    Castro Rey, Paloma

Sobre a valoración do Goberno galego respecto da situación actual en Palestina

9.3               33901 (12/PUP-000138)

                    Grupo Parlamentario Popular de Galicia

                    Trenor López, Gonzalo e 8 máis

Sobre a información trasladada polo Goberno central á Xunta de Galicia en relación coa proposta formulada desde a nosa comunidade ao abeiro do Plan social polo clima

9.4               33240 (12/POP-004816)

                    Grupo Parlamentario dos Socialistas de Galicia

                    Castro Rey, Paloma e 2 máis

Sobre as previsións que ten a Xunta de Galicia no que concirne á rehabilitación e ao acondicionamento das infraestruturas do CEIP Torre de Illa, do concello da Illa de Arousa

                    Publicación da iniciativa, BOPG n.º 252f2, do 10.09.2025

9.5               33986 (12/PUP-000142)

                    Grupo Parlamentario do Bloque Nacionalista Galego

                    Fernández González, Ariadna

Sobre o anuncio da Consellería de Política Social e Igualdade da creación de centros específicos para acoller os menores migrantes non acompañados á súa chegada a Galicia

9.6               32391 (12/POP-004729)

                    Grupo Parlamentario dos Socialistas de Galicia

                    Longueira Castro, Silvia e 2 máis

Sobre a previsión da Xunta de Galicia de defender os dereitos das persoas cooperativistas de Xuxán fronte á xestora

                    Publicación da iniciativa, BOPG n.º 247f3, do 03.09.2025

9.7               28876 (12/POP-004221)

                    Grupo Parlamentario Popular de Galicia

                    Amigo Díaz, María Encarnación e 8 máis

Sobre o estado en que están as xestións para a construción do novo centro de saúde para o barrio do Sagrado Corazón en Lugo

                    Publicación da iniciativa, BOPG n.º 227, do 04.08.2025

9.8               28960 (12/POP-004246)

                    Grupo Parlamentario do Bloque Nacionalista Galego

                    Taibo Corsanego, Iria e 3 máis

Sobre a previsión do Goberno da Xunta de asumir a tradución ao galego do programa Atenea nun prazo que permita a súa dispoñibilidade na administración da xustiza desde o momento da súa implantación

                    Publicación da iniciativa, BOPG n.º 227, do 04.08.2025

9.9               32820 (12/POP-004767)

                    Grupo Parlamentario do Bloque Nacionalista Galego

                    Fernández Fernández, Secundino e 4 máis

Sobre os motivos polos que en agosto aínda non se xestionara a biomasa das faixas secundarias nas parroquias con maior risco de incendio forestal

                    Publicación da iniciativa, BOPG n.º 252f2, do 10.09.2025

Santiago de Compostela, 16 de setembro de 2025​