Acordos aprobados na reunión da Comisión 1ª, Institucional, de Administración Xeral, Xustiza e Interior, celebrada o 18 de marzo de 2026

​

A  Comisión 1ª, Institucional, de Administración Xeral, Xustiza e Interior, na súa sesión do 18 de marzo de 2026, adoptou os seguintes acordos:

Procedementos de control e impulso

Proposicións non de lei en Comisión

Aprobación sen modificacións

- 51265 (12/PNC-004013)

Grupo Parlamentario Popular de Galicia

Prado del Río, Paula e 8 máis

Sobre a demanda dirixida ao Goberno co fin de que lles transmita aos concellos galegos a súa obrigación de dispoñeren de plans de actuación municipal fronte ao risco de incendios forestais

BOPG n.º 341f2, do 26.02.2026

Sométese a votación e resulta aprobada sen modificacións por 9 votos a favor, 0 votos en contra e 7 abstencións.

O texto aprobado é o seguinte:

“O Parlamento de Galicia insta á Xunta de Galicia a lembrarlle aos concellos galegos que, non marco das súas competencias, é obrigado que dispoñan de Plans de Actuación Municipal (PAM) fronte ao risco de incendios forestais como instrumento esencial de prevención, preparación e resposta non ámbito local.".

Aprobación por unanimidade sen modificacións

- 15633 (12/PNC-001523)

Grupo Parlamentario Popular de Galicia

Rodríguez Carrera, María Felisa e 8 máis

Sobre a demanda que a Xunta de Galicia debe trasladar ao Goberno central relativa á posibilidade de habilitar un rexistro centralizado no que obter o certificado de titularidade das contas, saldos e posicións bancarias das persoas falecidas

BOPG n.º 135, do 02.01.2025

Sométese a votación e resulta aprobada sen modificacións pola unanimidade dos 16 deputados e deputadas presentes.

O texto aprobado é o seguinte:

​ 

“O Parlamento de Galicia insta á Xunta de Galicia a reiterar na demanda ao Goberno de España para que estude a posibilidade de habilitar un rexistro centralizado onde poder obter o certificado de titularidade das contas, saldos e posicións bancarias dunha persoa falecida, coas cautelas que esixa a lexislación vixente, en especial en materia de protección de datos.".