Armando Ojea Bouzo

Nacemento: Vilar de Barrio - 1962

Grupo Parlamentario Mixto

Ourense

Biografía:

Entre 1985 e 1996 desenvolveu labores de profesor de matemáticas, física e informática, así como de director, en academias privadas.

Así mesmo, nese período coordinou cursos de formación ocupacional en empresas que prestaban servizos a concellos, mancomunidades, asociacións veciñais etc.

Desde 1996 ata 2019 dedicouse profesionalmente á música e ao ensino da música nunha academia privada. Tamén dirixiu programas de televisión na cadea local Auria TV de Ourense.

Desde 2015 ata a actualidade é concelleiro do Concello de Ourense e deputado provincial, desenvolvendo en ambas as institucións labores de oposición ou de goberno en diferentes etapas. Á súa condición de deputado provincial renunciou para ser elixible nas eleccións ao Parlamento de Galicia de 2024.

Saíu elixido deputado ao Parlamento de Galicia nas eleccións autonómicas do 2024 polo partido Democracia Ourensana, partido do que é un dos membros fundadores.