Moción aprobada polo Pleno do Parlamento de Galicia o 14 de xuño de 2022

 

O texto aprobado é o seguinte:

 

“O Parlamento de Galicia insta ao Goberno galego, e en particular á Consellería de Sanidade, a:

 

1.- Que, antes de rematar a presente lexislatura, estean cumpridos na súa integridade os acordos acadados por unanimidade da Comisión 5ª, Sanidade, Política Social e Emprego, nas sesións celebradas o 22 de abril de 2015 e o 18 de marzo de 2021 para a loita contra a endometriose, comprometendo partidas orzamentarias específicas nos orzamentos para levalos a termo.

 

2.- O Parlamento de Galicia insta á Xunta de Galicia a que, antes de rematar esta Lexislatura, se elabore unha guía galega de atención á endometriose, incluíndo na mesma: os datos sobre as características das consultas específicas de endometriose, os datos sobre o seu funcionamento, incluíndo o número de profesionais que as conforman, as pacientes atendidas, ... derivacións, formación impartida sobre a patoloxía e todos aqueles datos que poidan ser de interese”.

 

Saúdos, Gabinete de Comunicación.