saltar ao contido

O alumnado ganador da IX edición do Premio Estatuto de Autonomía de Galicia visita o Parlamento

Premio Estatuto de Autonomía 06/06/2022

Santiago, 6 de xuño de 2022.- O alumnado gañador da novena edición do Premio Estatuto de Autonomía de Galicia, convocado pola Deputación Provincial de Ourense, visitou esta mañá o Parlamento de Galicia, onde foron recibidos polo presidente da Cámara, Miguel Ángel Santalices Vieira, e varios deputados e deputadas, e efectuaron unha visita guiada á sede da institución.
 
O grupo pertence aos colexios Franciscanas (Ourense), María Inmaculada (Verín) e Padre Feijóo Zorelle.
 
Durante o encontro co alumnado, Santalices explicoulles a historia, funcionamento e competencias da Cámara galega ademais de responder ás preguntas da rapazada.
 
Reivindicar o éxito da autonomía
 
O presidente do Parlamento recordou que as catro décadas de historia da autonomía constitúen a etapa de maior crecemento, prosperidade e estabilidade de Galicia, “un éxito colectivo que é consecuencia directa do pacto constitucional que asentou a democracia e do posterior Estatuto de Autonomía de Galicia. Cómpre reinvindicalo fronte aos intentos de reescribir a historia”.
 
Saúdos, Gabinete de Comunicación.

Imaxes relacionadas

saltar ao pe de páxina